Қырғызстан парламенті «Азаттық» радиосының қырғыз қызметі журналистерінің аккредитациясын уақытша тоқтатты. 

Жоғарғы Кеңестің баспасөз қызметі бұны мәдениет, ақпарат,  спорт және жастар саясаты министрлігінің «Азаттық» сайтын екі айға бұғаттауымен байланыстырды. Журналистер парламенттен ақпарат тарату үшін баспасөз қызметінен аккредитация алуы тиіс. 

Қырғызстан ақпарат министрлігі 26 қарашада «Азаттық медианың» веб-сайтының жұмысын екі айға тоқтату жөнінде шешім шығарған.